لم أكن أنتوي حقا وصدقا أن أبدأ أول تدوينه بعد غيابي الطويل بالدخول في جدليه " البادي " والتي إنتشرت في مصر إنتشار النار في الهشيم ..... لتفرز لنا الفارق بين النخوه والتجار وعديمي الدم بعيد عنكم ..
لكن ما باليد حيله ... وصيه أوصتها لنا أختنا المعتدى عليها ..... في محاوله منها لتبره نفسها من تهمه عدم إرتداء الملابس المصفحه قبل سحلها ..
رغم " قرفي " أه والله قرفي من هذا الجدال الدائر .... وإحساسي بأني أعيش في مجتمع من المعاقين نفسيا .... والمتاجرين بقضايانا دينيا وليبراليا ..... والقلائل أصحاب النخوه والدم الحار .... مضطره لنشر الفيديو والصوره ..
لتشاهد ولتحاول نشر هذا الفيديو والصوره بعد مشاهدته ..... حتى تكتب لك حسنات رد غيبه من إتهمت في عرضها .....
ولكل متشكك .... متنسوش تفتشوا على بناتكم ومرتاتكم وإخواتكم وهما نازلين وتشوفوهم لابسين " بادي " تحت الهدوم ولا لاء يا "دكوره " ..
9 رأي اللي شرفوني:
.
وللهي شي بيزعل كثييييييييير كثييييييؤ
:(
علي فكرة انا اتصدمت في الاول بس لما افتكرت حادثة التحرش الجنسي الجماعي اللي حصل في العيد من كام سنة
ماالناس قعدت تتفرج
وقعدوا يشتموا في البنات
ياسيتي من غير ماتطولي إيدك أنا غلبانه ،،، عايزه أقول إني أول ماشفت الصوره مش الفيديوا فار دمي وأسودت الدنيا في وشي وفكرت لحظه يعني إيه نوع الضرب اللي يوصل لكده وضايقني أكتر أني فعلاً لمحت البلوفر او البدي وقلت ولاد الــ..... متقسمين عليها واحد شاددها من العبايه والتاني شادد من البلوفر او التيشيرت !!!!! لو اي دكر حاول يشغل مخه حايخرج بمعلومه مفيده مستحيل واحده لبسه بنطلون جينز وكتشي وشوراب حتكون مش لا بسه حاجه تحت العبايه دا لو افترضنا عمى البصيره ،، وبعدين عايزه أقول حاجه عارفاها من واقع نزولي في الميدان الزم تكون الهدوم ساتره وسهل فيها الحركه عشان الواحده مننا نعرف تمشي تجري تلاحق على خدمت المصابين وبرغم اننا في الشتاء الا ان الدنيا بتكون حر من الهربده وماننساش طبعاً القنابل اللي بتكتم النفس ،،، ياريت مابينزلزش بس لا وما بيفكروش كمان !!!!
في حياتي لم أر عساكر يجردون متظاهرة من ملابسها..
منظر مؤلم و أعمق من فتاة تعرى أمام الملأ، أعمق بكثير .
يعنى ايه لابسة ومش لابسة ياولاد الـ ...... ؟؟؟ !!! الهى تلبسكم المصايب والعفريت ياجهلا ياولاد الـ ... اقول ايه بس حزبى الله ونعمة الوكيل
ولسه
يا اما في الجراب يا حاوي
وهى دي ضريبة السكوت على الحق
اولا : الف مبروك على خروج وائل عبدالفتاح .
ثانيا : انا مش دكر ، انا راجل ومش هفتش عليها قبل ما تنزل لان هي من اساسه مش هتنزل تشارك الرجال في ساحات الوغى .
يعني تطبخ في البيت وتربي العيال ، دي وظيفتها مش ساحات القتال وتحت غبار القسطل .
هذا رايي ولكني لست مع تعريها ايضا ولكن .
للعلم والاحاطة .....
لو كنت قريت مقالك ده فى وقت الحادث كنت نشرته لكن بعد الوقت اللى عدى فالمعلومة دى وصلت لكل الناس فلو لسة فيه حد بيخوض فى عرض البنت دى ومصر على انها لابسة العباية على اللحم فمش هينوبنا من النشر غير الخوض فى عرضها أكثر مما كان
جزاكى الله خيرا
إرسال تعليق