قبل 9 أكتوبر :
---------------
شايفين سوريا ..... شايفين ليبيا ..
بعد 9 أكتوبر :
-------------
أديكوا شوفتوا ....
-------------------------------------------------------------------------------------------
قبل 9 أكتوبر :
-------------
القوات المسلحه المصريه ليس من عقيدتها قتل المصريين ..
بعد 9 أكتوبر :
--------------
القوات المسلحه ليس من عقيدتها قتل المصريين .... ولكن يمكن لها دهسهم لو لزم الأمر ..
-------------------------------------------------------------------------------------------------
قبل 9 أكتوبر :
------------
التلفزيون المصري مضلل وكاذب :
بعد 9 أكتوبر :
-------------
التلفزيون المصري مضلل وكاذب ومحرض على الفتنه ..
-------------------------------------------------------------------------------------------
قبل 9 أكتوبر :
-------------
راود المصريين حلم التجربه التركيه .....
بعد 9 أكتوبر :
----------
قرر المجلس العسكري إختياره للتجربه اللبنانيه ..... والله الموفق والمستعان ..
7 رأي اللي شرفوني:
انا مش عارفه الناس دي بتفكر ازاي ... تفكر ايه بس ده كل اللي حصل يدل ان في فجوة خالية في راسهم ... طيب مين اللي بيفكر لهم بالشكل القاتل ده
عندهم استعداد لتبرير قتلهم الابرياء العزل و يمارسوا حياتهم بعد القتل و الكذب عادي جدا
و حواليهم بقى طبعا المواطنون الشرفاء اللي عبدوا كل حكام مصر قبل كده و مكملين مع اي حد يقعد على الكرسي
لخصتي وجبتي من الاخر الحقيقة
كلامك يملي الدماغ
والصورة مابتكدبش
بس يارب ننهيا زي ليبيا ونجيبها كله علي ميه بيضا
شكرا لك موضوع رائع ..
بالتوفيق
نور
وهم دول يصدق عليهم اللي اختشوا ماتوا ..ولنا الله من قبل ومن بعد .ز
الله أعلم بالحقيقة بالضبط
الله أعلم بجد
اللعب بقى على كبير من الكُل .. وأعني الكُل بجد .. بجد
هو كان المفروض يحصل حاجه احسن من كدا
المفروض عادي جدا
اللي عايز يشل البلد ماشي
عايز يقف قدام التليفزيون ولا حد يطلع ولا يدخل عادي جدا ماشي
الجيش يسيب كل حاجه ويجي يقف معاهم
ولو عايزين حاجه ساقعه يجيبلهم
مفيش مشكله
اقتلوا العساكر وولعلوا في العرببيات اوك
حقكم ماهي فوضي
ولو حتي مجرد انه دافع عن كيانه كجيش وليه هيبه
يبقي ابن ستين كلب
انا كمان هاخد شوية عيال سيس وهروح اقعد في ماسبيرو وهطالب اني اعملي دولة لوحدي واختار الحته اللي انا عايزها
مهو مولد بقي وصاحبه غايب
بجد انا اكتر حاجه اتمنتها دلوقتي ان الجيش كان ولع في البلد ايام الثورة
عشان كل واحد كان لم نفسه
اتمني نشر كلامي
من حق اي حد يتظاهر ..... ومن حق الدوله عليه تأمنله المظاهره ..
ولو مأمنتهاش يبقى يسيبوا الناستأمن مظاهراتها زي ما بيعملوا في التحرير ..
لكن فشل في التأمين .... ويقتلوا الناس ؟؟
يعني فاشل وبجح وقاتل .... كتير اوي ده علينا
وبعدين انا واخده برأي الناس اللي قالت ان كان في " مندسين " وبحمل الجيشمسئولياته ..
واول مره اشوف جيش بيعمل لنفسه هيبه بقتل ودهس الناس .... على كده الجيش السوري ابو الجيوش المهيبه ..
يا ضياء دي اسمها خيييييبه
إرسال تعليق