بناء على طلب عم حنفي إللي قريته عند د. ستيته ..... أنشر هذا الحوار وأرجوا من الجميع نشره ..
الحوار في الفيديو اللي فوق ..
-----------------------------------------------------------------------------------------------------------------------
*سعد محمود حنفي
مركز كومامبو - البيارة - محافظة أسوان
حدانا أراضي اسمها "ارض زكريا عزمي" والعصابة السابقة ... لا تقل عن (100 ألف فدان)
ليه النظام الحالي موزعهاش على معدومي الدخل وشباب الخرجيين والحريم الارامل؟
ليه النظام الحالي موزعهاش على معدومي الدخل وشباب الخرجيين والحريم الارامل؟
ليه الدكتور عصام شرف مسافر للجماعة النوبيين؟ هي أسوان نوبة بس؟ ولا نوبة وصعيد وفيها مسيحيين و..؟
يا دكتور عصام شرف لو وزعت قراط واحد -قسما بالله- .............. (مش واضحه)
المحافظة فيها أراضي كتير تكفي جمهورية مصر العربية, وزع الاراضي بما يرضي الله على شباب الخرجيين
ومحدودي الدخل والحريم الارامل والفقراء والمساكين
مفيش فرق بين بينهم وبين مسيحي وما بين مسلم
*دكتور ستيته: ما بيوزعوش أراضي يا حج؟ غير حكاية النوبة, مابيوزعوش أراضي لشباب الخرجيين؟
*عم سعد: لأ مابيوزعش,
اللي وزع النظام السابق للناس اللي معاها وسايط من المحافظات الاخرى
واحد يجيلي من الشرقية يزرع في أسوان, ده حرام ولا حلال؟؟
المحافظات الاخرى خدت ومحافظة أسوان ماخدتش من أرض النوبة غير 5%
أنا بتكلم ومسؤول عن كل كلمة بقولها
مع العلم أنا رحت للدكتور عصام شرف, قابلني راجل هناك موظف اداني رقم زي ده ووداني للزراعة واستصلاح اراضي
(الصور أوضح في اخر الصفحة)
الراجل بتاع استصلاح الاراضي قال لي "يا عم الحاج, أنا جهه بتستصلح أراضي فقط مش جهه بتوزع الأراضي"
في عدد أسماء هنا لا يقل عن مائة فرد
*كلهم أسوانية؟
*كلهم أسوانية ومن قرية واحدة, دول معدومين الدخل ومنهم شباب خريجين
بقوله "يا دكتور عصام شرف احنا مش عايزين مائه فدان ولا عشر فدادين, احنا عايزين سبعة فدادين وبيت يتكون من أربغ غرف وصالة وحمام ومطبخ
مش عمارة وشقة, يا عم بلاش, احنا هنجيب حصيرة ونفرش بيها
ماتديش واحد مائة فدان وواحد مفيش, ارحمننا الرحمة حلوة"
ماتديش واحد مائة فدان وواحد مفيش, ارحمننا الرحمة حلوة"
مع العلم أنا وديت الشكوة بتاعتي لحقوق الانسان, رحتلهم سرايا القبة, والراجل قاللي أنه قدم الشكوة للنائب العام ومعرفش ايه اللي حصل فيها
احنا عايزين أرض يا اخوانا
عايزين ناكل من خيرنا, من عرق جبيننا
ماينفعش أكون أنا راجل فلاح وراجل مزارع ومايكونش عندي أرض
احنا عايزين أرض يا اخوانا
عايزين ناكل من خيرنا, من عرق جبيننا
ماينفعش أكون أنا راجل فلاح وراجل مزارع ومايكونش عندي أرض
قائمة باسماء بعض الفلاحين المتضررين من عدم توزيع الأراضي في قرية البيارة
من مدونه أميره نصير
3 رأي اللي شرفوني:
عم حنفي ده قضية لوحده
بس مبسوطة ان اميرة كتبت البوست ده
ومبصوته انه اتشير في اكتر من مكان
وهي دي بلدنا ولسه ناس ياما هتظهر مش عم حنفي بس كتيييييييير
زيه لسه ماطلعوش من صمتهم
ولسه مصر فيها اكتر
هو لسه فيه حاجات كدا
ياريت الدكتور عصام يبص للناس دي
وياخد قرار الناس تفتكره بيه
مفيش حنفي دول قالو كلمة ولا يمكن تنزل الارض الا ما يجيبوها الارض
إرسال تعليق