تهنئه وإعتذار ..

- كل عام وإنتم بخير عليكم وعلى كل المسلمين .... ويا رب كل أيامكم أعياد :) ..


وهابي عيد وهابي كحك وكل الحاجات دي :)) ..


- انا كنت ناويه أعتذر عن عدم قدرتي على التدوين الفتره اللي فاتت بسبب ظروف قاسيه شويه ... والحمد لله على كل شيء ..


لكن في حدث جلل حصل النهارده خلى الاعتذار يذهب لطريق أخر ....


وهو إني وأنا قاعده بقضي أوقات فراغي على الفايس بوك ... إذ فجأتن قولت إن العيد أكيييييييييد يوم الأربع ..


وإذ فجأتن برضك .... ظهر أخويا الصغير في التدوين الباشمهندس زناتي صاحب مدونه الروقان مع كوبايه شاي .... ويصر إن العيد يوم التلات وليس الأربع ..


وأنا طبعا أصريت على إصراره إصرارا إنه الأربع ... وهو أصر على إصراره إنه التلات ..


وإذ فجأتن" أه هي كل حاجه جت فجأه " حلف إنه لو جه العيد الأربع هينزللي إعتذار رسمي في مدونته ..... لكن لو التلات هنزل أنا الإعتذار ..... وأنا طبعا فرحت لإني كنت واثيق من فوز .....



- ومجاش في بالي ساعتها إن الباشمهندس منوفي .... والمنايفه مايراهنوش على حاجه خسرانه أبداااا .... والـ40 سنه إللي حكمونا فيها كان لازم تكون عبره وعظه ليا :( ..


فمضطره أسفه إني أقدم إعتذاري عن سوء تقديري لخبرته المنوفيه ..... أقصد الفلكيه :D ..


إحنا أسفييييييييييييين يا زناتي :)) ..