معا لإطلاق سراح لؤي نجاتي ..

لؤي نجاتي أترحل إمبارح سجن حربي والنهاردا هيروح النيابة العسكرية. يإما يفرجوا عنه يإما يحولوه محاكمة عسكرية.


هو كان موجود يوم الاحداث الفجر


وانا كنت باتابع تويتاته وبعدين اختفي



ده خبر من أصدقاء تويتر ع الصبح .... وبعدها عرفت إنه أخد إستمرار حبس 15 يوم واترحل للسجن العسكري ..



ويندو التويتر مفتوح على طول وانا بتصفح اي حاجه .....


بس لؤي كان مميز .... مش هقول إنه شارك في الثوره أو من أبناء الثوره أو أو ...


بس هقول إنطباعي أنا عنه .... لؤي كان دايما بيشارك في إعتصامات التحرير ....


لؤي دايما كان من أصدق المصادر إللي بناخد منها أخبار أول بأول عن الإعتصامات دي ..


معرفتي بلؤي زي معرفتي بكتير من أصدقاء تويتر ..


كان زي كتير مننا بيتكلم .... بيضحك .... بيشتم او يثور ...... بيحلم ..


عرفت النهارده إن في فرق كبير بين إنك تسمع عن حد إتحبس أو إتحاكم عسكريا ... وإنك تعرف إن حد كنت بتشوف ضحكه وكلامه وأحلامه كل يوم .... وكمان تكلمه وتتناقش معاه ..


مكتئبه وحاسه بإحباط وبكتب التدوينه دي وأنا مش عارفه بقول إيه ..



بس مش عايزه مستقبل لؤي أو اي حد يضيع ..


لؤي مريض كمان ومحتاج ياخد علاج بإنتظام .... يا ريت لو حد يعرف ممكن ندخله العلاج ده إزاي ..


أرجوكوا أنشروا قضيه لؤي عندكم ..


وكمان إشتركوا في جروب الافراج عنه على الفايس بوك هنــــا


ودي صفحته على تويتر لو تحبوا تشوفوا اخر كلامه ونقله للاحداث هنـــــــــا


ومعلش مره تانيه لو متلخبطه بس دي أول تدوينه أكتبها وا نا بعيط ..... ومعلش تاني انا مش هقدر اتابعكم اليومين الجايين ..


ونهايه دي صوره سكرين شوت لأخر تويتاته قبل القبض عليه مباشره من التحرير