ده لينك توقيع بيان لمحاكمه الثلاثي زكريا عزمي وصفوت الشريف وفتحي سرور ..
مبدأيا كده أي حد يدخل المدونه يدخل يوقع ويسيب كومنت تمام أول إنه وقع ...... ثم كومنت تاني بتمام تاني إنه خللى 5 من أصحابه يوقعوا ..
يا كده يا هحطه في البلاك ليست وهخرب بيته :) ..
ومحدش يهرب علشان أنا بعرف مين دخل المدونه ومين ما دخلش ..
محتاجين ميت الف توقيع على الاقل ..... وإلا التلاته دول اللي بره هيفضلوا يحركوا الثوره المضاده لغايه ما ينجحوا وهما خارج القضبان ..
وعلشان تفهموا اهميه القصه فمن مصادر موثوقه وأكيده ...... سوزان مبارك بتجتمع معاهم كل يوم هي وجمال لدعم مرشحين معينين للإنتخابات التشريعيه ثم الرئاسيه وصناعه دستور يسمح لجمال بتولي الرئاسه بعد مرشحهم ما يفوز ..
ومازالوا بيدفعوا فلوس لأعضاء الحزب الوطني في كل المحافظات ..
أتمنى تفهموا ..... وتوقعوا ..
41 رأي اللي شرفوني:
انت حيرتينا والله))))
وردبرس
بلوجر
وردبرس
بلوجر)))
انا وقعت على البيان ده ووقعت على بيان تانى خاص بحكاية سوزى وجيمى
وان شاء الله اجمع اكام رقم قومى وامضيلهم
متقلقيش
بس حاليا نازلين الشارع عشان نعمل التحرك الشعبى اللى بيوازى القرارات الفوقية والشكاوى والتحقيقات دى
تمااااااام أول هههه
ازيك يا مروة يا رب تكوني بخير انا فعلا وقعت ع البيان من اول ما عرفت بيه من مدونه نوارة نجم وان شاء الله جاري اقناع خمس أصدقاء بالتوقيع عشان التمام التاني وعشان كله يبقي تمام ان شاء الله ..
وقعت و شيرتها :]
وقعت
لأقتناعي بضرورة ووجوب محاكمتهم
مع تحفظي الشديد على شخصية من يرعوا الطلب
و الله لو كان عندى رقم قومى كنت وقعت
بس نعمل ايه بقى !!! لسه مطلعتش بطاقة :(
قول للزمان ارجع يا زمان
لايمكن لاحد من الشلة الفاسدة يرجع تانى
بس اجراء احترزاى مطلوب برضوا
ونوووووووووووووووقع يااااااااابووى
البنفسج الحزين
--------------
انا كويسه وتمام الحمد لله :)
شيريه على مدونتك يا أمل
وادي توقيعي اي خدمه
بص تسحبي الشيك بكرع عشان اكون غطيت الرصيد
ان شاء الله مفيش رجوع واللي راح ةانتهت قصته مش هيمسك البلد ولا يحكم تاني
تقبلي تحياتي
السلام عليكم حبيبتى
هههههه ماشى ياروح قلبى بس بلاش حكاية حراب البيوت دى ههههههه والبلاك ليست
ربنا يحفظ بلادنا و ينصرها دايما يارب
تحياتى لحماسك ونشاطك غاليتى ربى يوفقك
دمت بخير
أنا وقعت من زمان
لكن حتة إصحابي دي حاشوفها
هو فيه 3 ضامن انهم وقعوا بس الباقي ما أضمنلكيش
تم التوقيع
و شيرتها قبل كده
و نشيرها تانى عشان اما لثلاثى المرح اللى مغلبينا وراهم دول
المرحلتين تم ومن زمان
فتاة من الصعيد......
الثلاثى ده سئول عن نص بلاوى مصر منهم ضحيا العبارة وكمان فساد الحاكم وكمان توريث الحكم ..
ياريت تعرفونى مكانهم عشان أقتلم وأعلقهم فى ميدان التحرير .....
وقعتها
شوفي.. هو انا برضه متخوف من وجود مبارك وشلته واسرته في مصر..
ونفسي اعمل حملة اطرده من مصر..
ولذا اوقع على هذا البيان
انا موقع انا واخواتى وابويا وامى وبعض زمايلى من اول ما نواره عملت الحملة دى ربنا معانا ونخلص من ولاد الجزمة دول
انا وقعت على البيان دا من كام يوم :)
بس هخلى اصحابى يوقعوا عليه باذن الله
بس ازاي هيعدلوا الدستور تاني عشان جمال يمسك الحكم؟ الكلام ده مستحيل ولا يمكن قبوله عقلا وشكلا ومضمونا بعد الثورة الا اذا كان فيه في البلاد قوة قاهرة هتغصب ده على الناس
انا وقعت
صحابى كلهم هيوقعو
يا مراكبي
----------
في ثورات كتير في العالم حصلها انتكاسات ورجع للحكم حكام اتخلعوا .
ومحدش عارف فيه ايه بكرا .... الاحتياط واجب
ثم تحويل الثلاثه لهيئه الكسب غير المشروع للتحقيق معهم
تحياتى
تمام خمستاشر...
حصل من ساعة م نوارة اعلنت عنها في ال تويتر..
اوقع فين؟
طب انا اوقع ازاي بقا ؟ :P
موووفقين ياااااااااا رب :)
ازيك يامروة عاملة ايه
تمام يافندم وجارى تنفيذ التمام التانى
انا مش قد خراب البيت
عهدى بيكى كما هو دمتى بخير
تمام واحد
و تمام إتنين ..
:)
تم التوقيع بسلام
:-)
ما يحدث الأيام اللى فاتت بيخلينى افكر فى عمل حملة توقيعات لعودة مبارك للحكم
هع هع هههه
ازيك يا دكتورة عاش من شافك
حصل يافندم ووقعت علي البيان من اول ماظهر عند نواره نجم..وشيرته كمان على فيس بوك
لكن حتة الخمسه الاصدقاء دي بجد فكره رائعه احييكي عليها..وجاري اقناعهم واقناع اللي خلفوهم..!
زي ما اقنعت اربعه كانوا رايحين يقولوا نعم وخليتهم يقولوا لااااااااءاااااااااااا وكله بالاقناع يعني :)
"سوزان مبارك بتجتمع معاهم كل يوم هي وجمال لدعم مرشحين معينين للإنتخابات التشريعيه ثم الرئاسيه وصناعه دستور يسمح لجمال بتولي الرئاسه بعد مرشحهم ما يفوز .."
هههههههههههههههههه
لا معلهش الكلام دا مش هيحصل ان شاء الله رغم اقتناعي وعلمي التام بانه في بعض التجارب الثورية كانت هناك ثورات مضاده ونجحت بارجاع بعض الحكام لاماكنهم تاني..بس عندنا مش هيحصل ان شاء الله
طب دا احنا مش ناقصنا غير التمثيل بالجثث بتاعتهم..يرجعوا تاني ازاي؟؟؟!
تقبلي مروري وتحيتي
مضييييييت والله .. من زماااااان ... وعمال انشر اللينك في كل حتة علي النت
هذا فعلا مجهود يستحق الثناء والتقدير استمري انت ورفاقك المدونين واعضاء الفايس بوك وربنا يوفقكم هما دول رأس الافعى الحقيقي .
ولكن اين جمال مبارك نفسه وعلاء مبارك وحسني مبارك نفسه وزوجة مبارك نفسها .
هؤلاء ايضا يستحقون المحاكمةفهم العقل المدبر واصحاب المصلحة الاولى في الثورة المضادة .
علم وجاري التنفيذ
تم يا فتاة الفتيات وقعت وعملت شير كمان :))
يا شيخة خضيتيني
لسة شايفة التعليق بتاعك عندي جيت جري على ملا وشي وكنت هتكعبل
الاقيها التوقيعات ؟
يا مروة يا اوختي انا طبعت البيان من اسبوع وشغالة على كل اللي اعرفهم
وايراد كل يوم بيتبعت ع الميل ده
fegypt20@yahoo.com
تماااااااااااااام
طيب اشمعنى 5
ميمشيش معاكى 4 ونص ؟؟
هههههههههه
علم وينفذ يا قمر
دعوة للأنضمام ألى جروب المدونين على الفيس اللينك
http://www.facebook.com/#!/home.php?sk=group_150308615029590¬if_t=group_activity
أنا سجلت بدل ما انضرب
http://fritend.blogspot.com/
ودا اللى كلنا بننادى بيه
يا ريت ننشر البيان الموحد علشان يوم الجمعة الجاية
السلام عليكم و رحمة الله و بركاته اخواني أخواتي المدونين
أردة أن أدعوكم لزيارة مدونتي و اعطائي رأيكم فيها.
و لكم جزيل الشكر
تقبلو مني فائق الاحترام و التقدير
سلام لكم يا غاليين.........
تمام اول توقيعى:
eng.abeer
تمام تانى مش هقول لحد مدونتك اشهر م النار ع العلم الكل هيعرف
جزاكى الله خير
أول مرة أزور مدونتك القيمة .. تهنئتي لك على المجهود المبذول والرائع..
ثقافة الهزيمة .. العتبة الخضراء
و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.
و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير. ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!
باقى المقال ضمن مقالات ثقافة الهزيمة بالرابط التالى
www.ouregypt.us
إرسال تعليق