بيان ديكتاتوري رقم 1 :D ..

بما اننا بقينا من غير ديكتاتور " وأتمنى أن نظل " ...... فأعلن نفسي ديكتاتوره .... لكن لهذه المدونه :) ..... وأذيع البيان التالي ..

لااااا مش دلوقتي هلطعكم شويه قبل البيان ..... هو مبارك احسن مني ولا إيه ؟ ..

اولا قبل البيان احب الفت نظركم لموضوع مهم خاص بالرائد " أحمد شومان " ورفاقه المنضمين للثوره من ظباط الجيش ...... في أخبار إنهم هيتحاكموا محاكمه عسكريه وممكن تؤدي للحبس 25 سنه ..

للأمانه المعلومات غير موثقه .... لكن أنا نفسي برضو نناشد المشير طنطاوي والمجلس الأعلى للقوات المسلحه إللي موقفهم كان إيجابي جدااا الفتره اللي فاتت ووقفوا جنب مطالب الشعب وثورته ..

نناشدهم بأي طريقه لتخفيف العقوبه يا ريت لو ينفع .... لأن الظروف كانت صعبه ومعقده على الجميع ..

عموما إقروا التدوينه دي لنواره نجم بتتكلم فيها عن الموضوع ... أدخلوا ضروري وساعدوا في الحل لو سمحتوا.... والحلول المقترحه هنــــا ..

كمان ممكن تدخلوا على جروب كلنا خالد سعيد على الفايس بوك.... ونكلم الأدمن " وائل غنيم " ونطلب منه ومن غيره إنهم يهتموا بطرح الرجاء ده بالعفو على المجلس الأعلى للقوات المسلحه ..

لأن المجلس الأعلى للقوات المسلحه إستضافه هو مجموعه شباب مما يعني فتح قناه للحوار مع الشباب دول ..

-------------------------------------------------------------------------------------------------

بالنوسبه للبيان بتاعي ..

- فقد قررت التنحي عن الحكم في مدونتي وفي أكونتي التويتري ..... وذلك لفتره يعلمها الله .... وذلك لإلتقاط الأنفاس وإزاله التوتر ..... مع الإبقاء على أكونت الفايس بوك وذلك لأنه إبن حلال وكويس لغايه دلوقت .. والله الموفق ..

شفتوا إني ريحتكم من أول بيان إزاي :) ..

أشوفكم على خير .... وفي وطن أفضل ومصر أجمل بإذن الله ..